Da iawn a diolch i’r perchennog tafarn, Tracey Gunn a eilliodd ei phen i godi arian ar gyfer unedau cemotherapi ysbytai Bronglais a Glangwili.
Mae Tracey a’i gŵr Ian, yn rhedeg y New Inn yn Rhydlewis yng Ngheredigion ers 22 mlynedd wedi codi £ 650 ar ôl eillio ei phen ym maes parcio’r dafarn.
Mae’r cwpl yn codi arian yn rheolaidd ar gyfer elusennau lleol a’r tro hwn roeddent am helpu’r unedau chemotherapi yn Aberystwyth a Chaerfyrddin, yn enwedig oherwydd bod aelodau’r teulu a rhai o’u cwsmeriaid wedi derbyn triniaeth.
“Mae staff yr uned chemo yn gwneud gwaith arbennig. Mae’r gofal a dderbynnir yn ardderchog. Roeddwn i eisiau eu helpu trwy godi arian felly penderfynais gael eillio fy mhen,”meddai Tracey, 56.
“Yn ystod y cyfnod clo, fel llawer o bobl, nid oeddwn yn gallu torri ngwallt felly tyfodd yn eithaf hir. Roeddwn i wedi bod yn meddwl am eillio fy mhen ar gyfer elusen ers blynyddoedd, felly roedd hwn yn gyfle rhy dda i’w golli”
Eilliodd Jane Hills, ffrind a thriniwr gwallt symudol ben Tracey am ddim a dywedodd Tracey ei bod yn hapus iawn gyda’r canlyniad.