Mae Sir Benfro ymhlith y diweddaraf i gyflawni aelodaeth y Rhwydwaith Lleoedd Bwyd Cynaliadwy i gefnogi eu hymdrech i wneud bwyd lleol, iach a chynaliadwy ar gael i bawb yn eu hardal.
Mae Sir Benfro yn enghraifft ysbrydoledig o sut all cymunedau, busnesau a chynghorau lleol weithio gyda’i gilydd i wneud bwyd da a fforddiadwy yn elfen nodweddiadol o’u lle.
Mae Partneriaeth Bwyd Lleol Sir Benfro, dan arweiniad PLANED, PAVS, a Chyngor Sir Penfro, yn cefnogi cynhyrchwyr lleol, twf cymunedol, a mentrau amgylcheddol. Maent yn bwriadu meithrin system fwyd gadarn sydd o fudd i gynhyrchwyr, prynwyr, a chymunedau. Mae aelodau’n cynnwys cynghorau, busnesau, a grwpiau lleol yn gweithio gyda’i gilydd i wella mynediad at fwyd, lleihau gwastraff, a chefnogi economi o fwyd cynaliadwy. Cadwch lygad allan am wefan newydd a lansir fuan a haf o weithgareddau difyr i gymryd rhan ynddynt.
“Rydym mor falch o fod yn rhan o’r bartneriaeth anhygoel hon. Mae’r gymuned gyfan wir yn berchen arni, ac rydym am i ragor o bobl gymryd rhan a helpu i lywio dyfodol bwyd iachach a mwy cynaliadwy i Sir Benfro.” – Sue Latham, Cydlynydd
Mae Lleoedd Bwyd Cynaliadwy yn rhwydwaith o bartneriaethau traws-sector mewn trefi, dinasoedd, bwrdeistrefi a siroedd sy’n defnyddio bwyd fel cyfrwng i arwain newid cadarnhaol. Gyda chymorth gan
Sefydliad Esmée Fairbairn a Chronfa Gymunedol y Loteri Genedlaethol, mae’r rhwydwaith yn helpu
pobl a lleoedd i rannu heriau, ystyried datrysiadau ymarferol, a datblygu arfer orau ym mhob agwedd ar fwyd cynaliadwy ac iach. Mae Sir Benfro ymhlith y diweddaraf i ymuno â rhwydwaith o dros 100 o Leoedd Bwyd Cynaliadwy ledled pedair cenedl y DU.
Dywedodd Leon Ballin, Rheolwr Rhaglen Lleoedd Bwyd Cynaliadwy: “Mewn dros 100 o leoedd ledled y DU, mae unigolion a sefydliadau wedi bod yn dod ynghyd i ddatblygu gweledigaeth ar y cyd o’r math o system fwyd a diwylliant bwyd yr hoffent ei weld, ac maent yn gweithio gyda’i gilydd i wireddu’r weledigaeth honno. Mae Sir Benfro wedi dangos uchelgais gwirioneddol i drawsnewid pethau er gwell ac rydym ar ben ein digon o allu eu cefnogi i gyflawni eu nodau ymhellach.”
Mae’r rhwydwaith Lleoedd Bwyd Cynaliadwy yn ymdrechu i fynd i’r afael â rhai o’r materion amgylcheddol, economaidd a chymdeithasol mwyaf
heriol a wynebwn heddiw, o epidemig tlodi bwyd a salwch sy’n gysylltiedig â deiet, i golli busnesau bwyd annibynnol ar y stryd fawr a ffermydd teuluol, hyd at newid hinsawdd, lleihad mewn bioamrywiaeth, a gwastraff bwyd. Nid oes unrhyw fater sy’n rhy fawr nac yn rhy eang.